• Worum geht es?

         • Aktuell / Aktionen

         • Stellungnahmen

         • Was können wir tun?

         • Foren

         • Links

         • Homepage Slav. Sem.

         • Zurück zu 10 Jahre OE-Studien

Stellungnahmen · Argumente · Informationen (zurück zur Übersicht)

Schnitzelbangg von Daniela Tschudi

Dr Soiron und dr Gäbler hän im 03 en Uftraag gfasst: Sie miesse spare!
Drum tüen sie schleunigscht mit em Rotstift chrüz und quer ummenanderfaare.

Und scho schtoot dr Plan: im 08 isch er denn erfüllt:
E paar glaini Institütli stryyche und d’Unikasse isch wieder gfüllt.

Dr Plan isch genial und drum jetzt au scho bschlosseni Sach.
Das isch effiziänt, so bringsch in ainisch alles unter Dach und Fach.

Jawohl: e diggs Lob und dreifach Hoch uf die baide Herre!
Wär susch tuet hüt d’Lektion us dr Gschicht so schnäll lehre?

In dr Sowjetunion het me die Losig lang praktiziert
Und noch em Niedergang in Weschte exportiert:

Muesch in 5-Johresplän dängge
Und zentral vo obe längge!

Jetzt isch au uns ändlig klar: Tschäteretäng!
Warum die zwai Herre Slavisch Seminar nimmi wänn.

En ehemaligi Russistik-Studäntin

Daniela Tschudi

an die Herren Gäbler und Soiron
(16.02.2004)

Stellungnahmen · Argumente · Informationen (zurück zur Übersicht)